Чикаго университети олимлари мамлакатлар ялпи ички маҳсулоти (ЯИМ) даражасини баҳолашнинг янги усулини таклиф қилди. Доктор Луис Мартинеснинг сўзларига кўра, сунъий йўлдош тасвирларидан олинган мамлакатнинг ёритиш маълумотлари бунга ёрдам беради. Бу ҳақда The Wall Street Journal тадқиқоти ёзган.
Мартинеснинг таъкидлашича, иқтисодиёт ўсиши билан уйлар, фабрикалар ва кўча чироқлари кўпаймоқда ва ёруғлик ҳосил қилмоқда. Тасвирлардан ялпи ички маҳсулотнинг аниқ кўрсаткичини аниқлашнинг иложи йўқ, деди Мартинес, бироқ мамлакатни ёритиш динамикаси расмий маълумотлар ва ҳақиқат ўртасидаги тафовутни кўрсатиши мумкин.
Олимлар, шунингдек, сунъий йўлдош маълумотлари ва мамлакатларнинг ЯИМ кўрсаткичларини "эркинлик даражаси" бўйича баҳоладилар. Уларга кўра, авторитар мамлакатларда бу кўрсаткичлар ўртасидаги ўртача тафовут 35 фоизни ташкил этган. Олимлар Россия, Қозоғистон, Қатар ва бошқа қатор давлатларни "эркин бўлмаган" давлатлар қаторига киритдилар.