Олий Мажлис депутати прописка масаласини битта СМС билан ҳал қилишни таклиф қилди
13.12.2019 10:22,
830
Олий Мажлис Қонунчилик палатаси депутати Расул Кушербаев вақтинчалик прописка масаласини ҳал қилишда мобил алоқа қурилмасидан фойдаланиш таклиф этди.
“Бунинг учун вақтинча ишлашга келган фуқаро турган ери бўйича махсус маълумотлар базасига қисқа рақамли масалан, 1 рақамини СМС қилиб юборади ва шу орқали ўзининг турган жойи бўйича локацияни маълум қилади. Агар бошқа манзилга борса, ўша манзилдан яна СМС юборади вассалом.
ИИБ маълумотлар базаси орқали ким керак бўлса геолокацияси орқали бориб фуқарони топиб олаверади, прописка ҳам, рўйхат ҳам, шартнома ҳам, тўлов ҳам керакмас.
Фақат масъулларда хоҳиш бўлса бас“, дейди Қонунчилик палатаси депутати.