Қозоғистон Миллий хавфсизлик қўмитаси ходимлари теракт амалга ошириб, аҳоли гавжум жойларда порлашларни амалга оширишни режалаштирган икки кишини қўлга олди. Бу ҳақда ТАСС хабар беради.
"2020 йил 14 февралда Қозоғистон Республикаси Миллий хавфсизлик қўмитаси Олмаотада ўтказилган тезкор-қидирув тадбирлари натижасида, бузғунчи диний оқимнинг икки тарафдорини ҳибсга олди", дейилади қўмита матбуот хизмати хабарида. Олиб борилган тергов ҳаракатлари давомида совуқ қурол портловчи мослама, уни тайёрлаш учун бутловчи қисмлар, портлатилиши режалаштирилган обектларнинг фотосуратлари ҳамда видеотасвирлари бўлган смартфонлар мусодара қилинди.
Ҳибсга олинганларга нисбатан терроризмни тарғиб қилиш ва террорчилик актига тайёргарлик ҳолатлари бўйича жиноий иш қўзғатилди.