ОПЕК+ мамлакатлари августгача нефт қазиб олишни қисқартиришга келишиб олди

ОПЕК+ мамлакатлари августгача нефт қазиб олишни қисқартиришга келишиб олди

ОПЕК + давлатлари нефт қазиб олишни яна бир ойга - август ойининг бошига қадар қисқартириш бўйича битимни узайтиришга келишиб олди. Бу ҳақда Bloomberg агентлиги хабар беради. 

Шундай қилиб, июл ойида, май-июн ойларида бўлгани каби, 

кунлик нефт қазиб олиш миқдори 9,7 миллион баррелни ташкил қилади. Шартноманинг олдинги параметрларига кўра, йилнинг иккинчи ярмида кунига 7,7 миллион баррелга камайтириш режалаштирилган эди.

Шартнома икки йирик етказиб берувчилар - Россия ва Саудия Арабистони томонидан қўллаб-қувватланди. Reuters хабарига кўра, Саудия Арабистони ҳатто квоталарни 2020 йил декабр охиригача узайтиришни таклиф қилди.

Март ойининг бошида ОПЕК + олдинги битимининг бузилиши ва коронавирус фонида талабнинг пасайиши сабабли, жаҳон бозорида нефт нархи сезиларли даражада пасайди.

Апрел ойининг бошида ОПЕК + ишлаб чиқаришнинг рекорд даражадаги пасайиши тўғрисида келишиб олди, бу эса жаҳон бозорларида нефт нархини мустаҳкамлашга ёрдам берди.