Оқ уй Байден ҳозирча Украинага боришни режалаштирмаяпти
12.04.2022 01:13,
48
АҚШ президенти Жо Байден ҳозирча Украинага боришни режалаштирмаяпти, деди Оқ уй матбуот котиби Жен Псаки душанба куни ўтказилган навбатдаги брифингда.
«Сизга шуни айта оламанки, биз ҳали АҚШ президентининг Украинага сафарини режалаштирмаяпмиз», деди у.
Оқ уй ҳам америкалик дипломатларнинг Украинага қайтиши мумкин бўлган санани айта олмади. «Шубҳасиз, АҚШ ўз дипломатларининг жойларда бўлиши «бизнинг манфаатларимизга тўғри келади. Ҳозирда бу ҳақда ҳеч қандай прогнозим йўқ», — дея қўшимча қилди Псаки.
Унинг сўзларига кўра, ҳозирда АҚШ учун энг муҳими «Россияга қарши туриш ва Украинага ҳарбий ёрдам кўрсатиш» деди матбуот котиби.