Оқ уйнинг собиқ хизматчиси коронавирусдан вафот этди

Оқ уйнинг собиқ хизматчиси коронавирусдан вафот этди

АҚШда Оқ уйнинг собиқ хизматчиси Уилсон Рузвелт Жерман 91 ёшида вафот этди. Мамлакатнинг 11 президенти билан ишлаган одамнинг ўлимига коронавирус сабаб бўлди, деб ёзмоқда Fox 5 телеканали.

Жермон Оқ уйда 1957 йилдан 2012 йилгача - 55 йил ишлади. У дастлаб фаррош сифатида иш бошлаган. Уни бош хизматкор лавозимига президент Жон Кеннедининг рафиқаси Жаклин Кеннеди тайинлаган.

АҚШда ҳозирга қадар 1,63 миллионта коронавирус ҳолати қайд этилган. 96 329 нафар бемор вафот этган. 313 минг киши бутунлай соғайиб кетди. АҚШ коронавирус ҳолати аниқланиш ҳолатлари бўйича дунёда биринчи ўринда турибди.