Осиё тараққиёт банки (ОТБ) Тошкент вилоятида ичимлик суви таъминоти ва канализация тизимларини реконструкция қилиш ва қуриш лойиҳасининг учинчи босқичини қўллаб-қувватлайди.
Дастурнинг умумий қиймати - $185,8 миллион ушбу миқдордан ОТБ $161 миллион кредит беради ва республика ҚҚСни қоплайди ва жами 24,8 миллион долларлик божхона имтиёзларини тақдим этади. Лойиҳани амалга ошириш муддати беш йил (2022 — 2027).
Ташкилий-техник тадбирларни ўтказишга масъул ижро этувчи орган "Ўзсутаъминот" АЖ томонидан тайинланади.
Тошкент вилояти ҳокимлиги билан биргаликда лойиҳани амалга ошириш, белгиланган кўрсаткичларга эришиш ва ОТБ кредитини қайтариш учун жавобгардир.