Ўтган ҳафта давомида «Тошкент» РФБ индекси ўсишни кўрсатди
20.06.2022 11:29,
27
17 июнь, жума куни «Тошкент» Республика фонд биржаси UCI индекси 743,30 пунктда тўхтади, бу бир ҳафта олдингига нисбатан 4,14 фоизга юқори.
13 июндан 17 июнгача «Тошкент» Республика фонд биржасида 1,9 миллиард сўмлик қимматли қоғозлар билан 1,7 мингта олди-сотди битимлари амалга оширилди, бу ўтган ҳафтага нисбатан 95,6 фоизга камдир.
Ушбу даврдаги ўсиш «Ўзбекнефтгаз» ва «Олмалиқ КМК» АКнинг имтиёзли акциялари ҳисобидан кўрсатилди – мос равишда 20 фоиз ва 6,67 фоиз.
Ўзбекистон Республика товар-хом ашё биржаси акциялари қизил зонада (-2,12 фоиз), «Қизилкутсемент» акциядорлик жамияти қимматли қоғозлари (-16,2 фоиз)да тўхтади. «Ўзсаноатқурилишбанк» бир ҳафта ичида 5 фоиздан ортиқ йўқотди.