Олий таълим муассасаларида ўқув жараёнлари 7 февралдан 24 февралга қадар босқичма-босқич анаънавий шаклга ўтказилади, деб хабар берди Олий ва ўрта махсус таълим вазирлиги. Бу вақт ичида дарс машғулотлари бир вақтнинг ўзида ҳам масофавий ҳам анъанавий шаклда олиб борилади.

ОТМлар ички имкониятлари, ўқув жараёнининг ҳозирги ҳолати, мавжуд шарт-шароитларини инобатга олган ҳолда алоҳида режа-график асосида офлайн шаклга ўтади. Бу ҳақда ҳар бир ОТМ ўзининг расмий веб-сайти ва ижтимоий тармоқлари орқали хабар беради.