Озарбайжон президенти Илҳом Алиев Озарбайжон қуролли кучлари Тоғли Қорабоғ атрофидаги бир неча туманларнинг 13 та қишлоқлари устидан назоратни қўлга киритганини маълум қилди.
Алиевнинг сўзларига кўра, Хўжавенд, Зангилон, Жаброил ва Қубадли туманларида аҳоли пунктлари озод қилинган.
"Музаффар Озарбайжон армияси Қубадли туманининг Зиланли, Курд Маҳризли, Муғланли, Олақуршоқ; Хўжавенд туманининг Доланар ва Бунёдли; Жаброил туманининг Тоғтумас, Нюсус, Халафли, Мингбошили, Вейсалли; Зангилон туманининг Ванадли ва Мирзоҳасанли қишлоқларини озод қилди. Қорабоғ Озарбайжондир", дея твит қолдирди Озарбайжон Президенти.
Azerbaijan’s glorious Army liberated Dolanar and Bunyadli villages of Khojavend, Dag Tumas, Nusus, Xelefli, Minbashili and Veyselli villages of Jabrayil, Venedli and Mirzehasanli villages of Zengilan. Long live Azerbaijan’s Army! Karabakh is Azerbaijan!
— Ilham Aliyev (@presidentaz) October 23, 2020
Қорабоғ можароси 1988 йилда, Тоғли Қорабоғ автоном вилояти Озарбайжон ССР таркибидан чиқишини эълон қилганида бошланган. 1992-1994 йиллардаги қуролли тўқнашув пайтида Озарбайжон Тоғли Қорабоғ ва унга қўшни етти туман устидан назоратни йўқотди.