Ўзбекистон Хитойнинг BYD компанияси билан электромобиллар ишлаб чиқаришда ҳамкорлик қилмоқчи. Бу ҳақда “Uzavtosanoat” раҳбари ўринбосари Азиз Шукуров ўзининг Linkedln'даги саҳифасида ёзди.
Хабарда айтилишича, 16 февраль куни Хитойдан келган компания билан ҳамкорлик меморандумини имзолаган.
“Бу электромобиллар келажаги сари биринчи қадамдир”, — деди Шукуров меморандум ҳақида тўхталиб.
У компаниялар ўртасидаги ҳужжат тафсилотларини келтирмади. “Uzavtosanoat” матбуот хизмати бу ҳақда изоҳ беришдан ўзини тийди, бироқ маълумотларни кейинроқ эълон қилишга ваъда берди.