Россиянинг Мир тўлов тизими карталаридан трансчегаравий ўтказмалар беш ойдан сўнг Ўзбекистонда яна қабул қилина бошлади. Бу ҳақда UZCARD ягона умумдавлат процессинг маркази матбуот хизмати хабар берди.

"UZCARD Россияда чиқарилган "Мир" банк карталаридан UZCARD карталарига трансчегаравий пул ўтказмалари хизмати ишга тушганини эълон қилади", — дейилади марказ сайтидаги нашрда.

РИА Новости аниқлик киритишича, февраль ойидан бошлаб Россиянинг Мир карталаридан трансчегаравий пул ўтказмалари тўхтатилган.

"Ҳозирда UZCARD пул ўтказмаларини амалга ошириш бўйича босқичма-босқич кўрсатмалар, шунингдек, мобил иловалари орқали ушбу операцияни амалга ошириш мумкин бўлган "Мир" тўлов тизимида иштирок этувчи банклар рўйхатини тайёрламоқда", — дейилади матбуот хизмати хабарида.

Аввалроқ, Кубада Россия банк тизими карталарини жорий этишнинг биринчи босқичи якунланган эди, аммо кейинроқ Ростуризм бу давлатда Мир картасидан пул ечиб олишнинг иложи йўқлиги ҳақида огоҳлантирди.

Бунгача "Мир" карталаридан Туркия, Ветнам, Арманистон, Жанубий Корея, Ўзбекистон, Беларус, Қозоғистон, Қирғизистон ва Тожикистон, Жанубий Осетия ва Абхазияда фойдаланиш мумкинлиги хабар қилинган эди.