Бугун Любинко Друлович бошчилигидаги Ўзбекистон олимпия терма жамоаси U23 Осиё чемпионатида 3-ўрин учун Автсралия ёшлари билан баҳс қилди.

Учрашув Бангкок шаҳридаги "Ражамангала" стадионида бўлиб ўтди.

Ўзбекистон олимпия терма жамоаси таркибида 1.Абдувоҳид Неъматов, 2.Ислом Қобилов, 3.Ҳожиакбар Алижонов, 4.Абдулла Абдуллаев, 6.Азиз Ғаниев, 8.Нурилло Тўхтасинов, 9.Жасурбек Яхшибоев, 10.Бобир Абдихолиқов, 11.Миржаҳон Мираҳмадов, 19.Илҳом Алижонов, 20.Ҳусниддин Алиқулов ўйинга тушди.

Ўйиннинг 4-дақиқада австралияликлар урган гол ҳисобга олинмади. 

47-дақиқада 1-бўлимда голи ҳисобга олинмаган Николас Дагостино Ўзбекистон дарвозасини аниқ нишонга олди: 1:0.

Шундай қилиб, Австралия ёшлари олимпия йўлланмасини қўлга киритди. Аксарият ҳолларда бўлганидек, севимли жамоамиз сўнгги, ҳал қилувчи ўйинда ишончни оқлай олмади.

U23 Осиё чемпионатининг финал мусобақаси эртага 17:30 да Бангкок шаҳридаги "Ражамангала" стадионида бўлиб ўтади. Унда Ўзбекистонни енгган Жанубий Корея ва Саудия Арабистони терма жамоалари баҳс юритади.