Ўзбекистон бу йил ўтган йилга нисбатан катта ҳажмда олтин экспорт қилди
22.10.2019 18:02,
155
Давлат статистика қўмитаси 2019-йилнинг дастлабки 3 та чораги бўйича Ўзбекистон Республикаси ташқи савдо айланмасига доир ҳисобот чиқарди.
Жорий йилда дастлабки 9 ойи мобайнида олтин экспорти ўтган йилнинг шу даврига нисбатан 2.6 марта ортган ва жами экспорт маҳсулотларининг 29.1 %и олтин савдоларига тўғри келади. Ҳисобот даврида 3.9 млрд долларлик олтин экспорт қилинган.
Иккинчи ўринда хизматлар (18.6 %) ва учинчи ўринда энергия манбалари ва нефт маҳсулотлари (16.1 %) экспорт қилинган.
Ўзбекистон ҳар йили 70-80 тонна олтин экспорт қилади. Жорий йилда ҳам 80 тонна олтин сотилиши режалаштирилган.
Айни пайт жаҳон бозорида бир троя унсия олтин баҳоси 1489.28 $ни ташкил қилмоқда.