Ўзбекистонликлар 2020 йилда қанча электромобил сотиб олди?
22.09.2020 15:56,
384
2020 йилнинг январ-август ойларида Ўзбекистон ташқаридан 73 та электромобил сотиб олди. Бу ўтган йилнинг шу даври билан солиштирилганда 53 тага кўп, деб ёзмоқда Давлат статистика қўмитаси.
Маълумотларига кўра, бу йил Хитойдан – 50 та, Корея Республикасидан – 12 та ҳамда Германия, Бирлашган Араб Амирликлари, Россия Федерацияси ва Грузия каби давлатлардан 11 та электромобиль импорт қилинган.
Жорий йилда импорт қилинган электромобиллар учун 1,7 миллион АҚШ доллари сарфланган.
Таққослаш учун: 2019 йил ҳолатига кўра, қўшни Қозоғистонда 200 га яқин электромобил рўйхатдан ўтган.