Бу йил Россия пойтахти Москва шаҳрида Ғалабанинг 75 йиллигига бағишланган тадбир 9 май куни ўтказилиши режалаштирилган эди. Аммо коронавирус пандемияси сабабли уни ташкиллаштириш кейинги муддатларга сурилди. 1945 йилда Ғалабанинг биринчи марказий паради 24 июнь санасида ўтказилгани боис жорий йил ҳам бундай тантана учун айнан шу кун танланди.

Тадбирда Россия президенти Владимир Путиннинг таклифига кўра Ўзбекистон президенти Шавкат Мирзиёев ҳам қатнашди.

Шунингдек, парадда Ўзбекистон Қуролли Кучлари вакиллари ҳам Мустақилликдан кейин биринчи бор иштирок этди.

Маълум қилинишича, умумий ҳисобда, парадда 13 та давлатдан 225 та ҳарбий техника, 14 минг аскар ва офицер қатнашди. Россия пойтахти осмонидан 55 самолёт ва 20 та вертолётнинг учиб ўтган.