29 июнь куни Боку шаҳрида Ўзбекистон ва Озарбайжон тадбиркор аёлларининг биринчи бизнес-форуми бўлиб ўтди, деб хабар бермоқда Олий Мажлис Сенати матбуот хизмати.
Ишбилармон доиралар вакиллари ўртасида умумий қиймати 54 миллион доллардан ортиқ бўлган қатор шартномалар имзоланди. Тадбир якунида томонлар «Тадбиркор аёллар клуби» ва «Аёллар тадбиркорлигини ривожлантириш» уюшмаси ўртасида икки томонлама муносабатларни ривожлантириш бўйича меморандум имзоладилар.
Ўзбекистон ва Озарбайжон ўз маҳсулотларини учинчи мамлакатлар бозорларига олиб чиқиш учун қўшма корхоналар очишни режалаштирмоқда.