Ўзбекистон ва Қатар ташқи ишлар вазирлари музокара ўтказди

Ўзбекистон ва Қатар ташқи ишлар вазирлари музокара ўтказди

Архив фото

2020 йил 15 июль куни Ўзбекистон Республикаси Ташқи ишлар вазири Абдулазиз Комилов Қатар Давлати Бош вазирининг ўринбосари, Ташқи ишлар вазири шайх Муҳаммад Бин Абдул Роҳман Бин Жасим Ал Таний билан видеоконференция шаклида музокаралар ўтказди.

Ташқи сиёсат идоралари раҳбарлари Ўзбекистон-Қатар муносабатларининг бугунги ҳолати ва ривожлантириш истиқболларини кўриб чиқди ҳамда турли даражалардаги бўлажак учрашувлар жадвали юзасидан фикр алмашди.

Икки томонлама сиёсий мулоқотлар фаоллашгани, шунингдек, савдо-иқтисодий ва инвестицион соҳалардаги ҳамкорлик сезиларли кенгайганлиги таъкидланди.

Музокараларда Афғонистон муаммосини ҳал қилиш, ушбу мамлакатда тинчлик музокаралари жараёнини бошлаш бўйича Ўзбекистон ва Қатар ҳамкорлиги масалалари муҳокама қилинди.

Суҳбат чоғида томонлар минтақавий ва халқаро аҳамиятга молик бошқа масалаларни ҳам кўриб чиқдилар.