«Ўзбекистон ва Қозоғистон — иқтисодиётлари рақобат қилмайди, бир-бирини тўлдириб туради» — Шавкат Мирзиёев

«Ўзбекистон ва Қозоғистон — иқтисодиётлари рақобат қилмайди, бир-бирини тўлдириб туради» — Шавкат Мирзиёев

Оқўрда қароргоҳида Шавкат Мирзиёев ва Қасим-Жомарт Тоқаев тор доирада музокаралар ўтказди.

Учрашув чоғида Шавкат Мирзиёев икки давлат иқтисодиётлари рақобат қилмаслигини, аксини бир-бирини тўлдириб туришини таъкидлади. Унинг сўзларига кўра, жорий йилда товар айирбошлаш рекорд даража — 4 млрд долларга етиши кутилмоқда.

«Бугун стратегик шериклигимизни иттифоқчилик муносабатлари даражасига кўтариш тўғрисида тарихий қарор қабул қиламиз», — деди у.

«Мамлакатларимиз ўртасидаги муносабатлар бутун Марказий Осиё минтақасида барқарорлик ва хавфсизликни таъминлашнинг муҳим омили бўлиб хизмат қилади», — деди Қосим-Жомарт Тоқаев.

Таъкидланишича, Қозоғистон пойтахтида ўтган қўшма бизнес-форумда 6 млрд долларлик келишув ва шартномалар имзоланган.