2019 йилнинг 11-13 ноябрь кунларига мўлжалланган Қозоғистон Республикаси Миллий гвардияси Бош қўмондони генерал-лейтенант Руслан Жаксылыков бошчилигидаги делегациянинг Ўзбекистон Республикасига ташрифи давом этмоқда. Бу ҳақда Ўзбекистон Республикаси Миллий гвардияси матбуот хизмати хабар бермоқда.
Ташрифнинг дастлабки кунида Қозоғистон Республикаси Миллий гвардияси Бош қўмондони Руслан Жаксылыков Ўзбекистон Республикаси Миллий гвардияси қўмондони Баходир Ташматов билан учрашди.
Учрашув давомида икки томонлама ҳамкорликни ривожлантириш, ўзаро тажриба алмашиш доирасида биргаликдаги ўқув-амалий машғулотларни ўтказиш масалалари муҳокама қилинди.