Россия Федерацияси Федерал Мажлиси Федерация Кенгаши раиси Валентина Матвиенконинг айтишича, Ўзбекистон Республикаси президенти Шавкат Мирзиёев мамлакатнинг Евросиё иқтисодий иттифоқига қўшилиш масаласини ишлаб чиқиш бўйича қарор қабул қилди. Бу ҳақда ТАСС хабар бермоқда.
"Ўзбекистон президенти Евросиё иқтисодий иттифоқига қўшилиш масаласини ишлаб чиқиш бўйича қарор қабул қилганидан хабардормиз", деди Матвиетко Олий Мажлис Қонунчилик палатаси раиси Нурдинжон Исмоилов билан бўлган суҳбатда.
Унинг айтишича, Ўзбекистоннинг бу ташкилотга аъзо бўлиши икки мамлакат орасида муносабатларни яқинлаштиради, ривожланиш учун тўсиқларни бартараф этади.