Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Ўзбекистонда 22 турдаги ош тузи талабга жавоб бермаслиги маълум бўлди
4.03.2023 16:47,  
156

Ўзбекистонда 22 номдаги ош тузи талабга жавоб бермайди, деб топилди. Мазкур рўйхат Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан эълон қилинди.

Қўмита хабарига кўра, Ўзбекистонда 29 номдаги туз маҳсулотлари намуналарини синовдан ўтказилганда уларнинг 22 турдаги ош тузи таркибидаги ёд миқдори етарли эмаслиги аниқланди. Яъни, уларнинг 76 фоизи лаборатория натижаларига кўра амалдаги талабларга номувофиқ деб топилган.

Таркибида ёд миқдори кам бўлган ош тузларининг рўйхати қуйидагича:

«Идеал» ош тузи;
«Дунё» ош тузи;
«Саховат» ош тузи;
«Кафолат»ош тузи;
«Сафо» ош тузи;
«Озода-уз» ош тузи;
«Барака» ош тузи;
«Ошпаз» ош тузи;
«Орол» ош тузи;
«Ягона ишонч» ош тузи;
«Сафир» ош тузи;
«Зарафшон кумуш тузи»;
«Салина» ош тузи;
«Азия» ош тузи;
«Мелкая» ош тузи;
«Ош тузи»;
«Файзли» ош тузи.

Маълумот учун, Ўзбекистонда амал қилувчи меъёрий ҳужжат – 2017 йилда қабул қилинган 1091-сонли давлат стандарти талабларига мувофиқ туз маҳсулотлари қадоғида қуйидаги маълумотлар бўлиши шарт:

-маҳсулот номи, сорти ва ҳажми;
-ёдланган қўшимчанинг номи;
-таркибидаги ёд миқдори;
-нетто оғирлиги (кг);
-ишлаб чиқариш санаси (кун, ой, йил);
-сақлаш муддати;
-сақлаш шартлари;
-мазкур стандартда кўрсатилган бошқа маълумотлар.

Бироқ Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан ташқи кўриниши мазкур талабларга жавоб бермайдиган ош тузлари ҳам аниқланган.

Масалан, «Саодат» ош тузи ташқи кўриниши мазкур меъёрий ҳужжат талабларига номувофиқлиги маълум бўлган.

Шунингдек, «Файзли» ош тузларида ҳам ишлаб чиқарилган санаси кўрсатилмаганлиги аниқланган. Ушбу камчиликларни бартараф этиш ва келгусида йўл қўймаслик бўйича ваколатли органлар томонидан тегишли ишлар амалга оширилган.

«Қўмита ва унинг ҳудудий органлари томонидан ўз навбатида, юқоридаги каби тизимли ўрганишлар давом эттирилиб, истеъмолчиларнинг номуайян доираси ҳуқуқларини бузилишини олдини олиш ва етказилган зарарни қоплаш чораларини кўриш бўйича ишлар давом эттирилиши маълум қилинади», дейилган қўмита хабарида.

Бундан ташқари, Рақобатни ривожлантириш ва истеъмолчилар ҳуқуқларини ҳимоя қилиш қўмитаси истеъмолчиларга мурожаат қилиб, озиқ-овқат маҳсулотларини харид қилишда эътиборли бўлишни сўраган.

«Озиқ-овқат маҳсулотларини харид қилишда қуёш тиғида сақланмаганлигига эътибор қаратиш, маҳсулотнинг сифати, ташқи қадоғидаги ахборотларнинг мавжудлиги ва мазкур маҳсулотни мувофиқлигини тасдиқловчи ҳужжатлари санитария-эпидемиологик хулосаси билан танишиб чиқиб, сўнг харид қилиш, агарда сотувчи томонидан юқоридаги ахборотлар тақдим этилмаса, Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасининг 1159 «Cалл маркази»ига ёки 24/7 режимида қабул қилиш имконияти мавжуд [email protected] электрон почтасига хабар беришингиз сўралади», дея фуқароларни огоҳликка чақирган ташкилот.

Қолаверса, ушбу маълумотлар текширув ўтказилган кунга актуал эканлиги қўшимча қилинган.

Маълумот учун, Ўзбекистон Республикасида ишлаб чиқариладиган ва реализация қилинадиган ош тузлари, албатта, ёдланиши керак. Бу мамлакатда ёд етишмаслиги касалликларини олдини олишга қаратилган тадбирлардан биридир. Сабаби инсон организмида ёднинг етишмаслиги оқибатида қалқонсимон без касалликлари юзага келади.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан