«Ўзбекистон республика товар-хом ашё биржаси»га ўтган ҳафта 30 426,0 тонна АИ-80 маркали автомобил бензини қўйилди ва улардан 6 520,5 тоннаси, яъни 21,4% сотилди. Ўтказилган савдоларда ҳар куни ўртача 22 харидор иштирок этди.

Кўриб чиқилаётган даврда АИ-80 маркали автомобил бензиннинг бошланғич нархи кўтарилганлиги сабабли унинг ўртача кунлик нархи ҳам маҳсулотнинг бир тоннаси учун 5 763,0 минг сўмдан 5 822,5 минг сўмгача ёки 1,0% га ўсди.

Кўриб чиқилаётган даврда АИ-80 русумли автомобил бензиннинг ўртача ҳафталик котировкаси 5 767,9 минг сўмни, АИ-91 – 6 958,2 минг сўмни ташкил этди.

Эслатиб ўтамиз, турли манбаларда келтиришича автомобил бензинининг бир тоннаси ўртача 1293-1370 литрни ташкил қилади.