Ўзбекистонда мижозларга чеклар берилмагани бўйича мурожаатлар сони ортиб бормоқда, деб хабар беради Давлат солиқ қўмитаси.
Давлат солиқ қўмитасидан маълум қилишларича, ҳар бир бундай мурожаат ўрганилиб, тадбиркорлик субъектлари вакиллари ўртасида тушунтириш ишлари олиб борилмоқда.
Аммо солиқ ҳамкори тизими орқали шикоятлар сони ортиб бормоқда. Шу муносабат билан Давлат солиқ қўмитаси томонидан тадбиркорлар ўртасида чеклар берилмаётганлик сабаблари бўйича аноним сўров ўтказиш ва мавжуд муаммоларни бартараф этишга кўмаклашиш тўғрисида қарор қабул қилинди.