Бугун Ўзбекистоннинг жануби-шарқий ҳудудларига Туркманистондан булутли ҳаво оқимлари кирди. Марказий, жанубий ва шарқий туманларда ҳаво ўзгариб туради, ёғингарчилик бўлмайди.

«Ўзгидромет»нинг хабар беришича, республиканинг тоғли ва тоғолди ҳудудларида қисқа муддатли момақалдироқли ёмғир ёғиши мумкин. Мамлакат шимоли ва чўл зонасида ҳаво кам булутли бўлади. Ҳарорат 37-40 даража атрофида бўлади.

Шунингдек, дам олиш кунлари бутун республика ҳудудига жанубдан иссиқ ва қуруқ ҳаво тарқалади. Кундузи ҳарорат 39-42 даражагача кўтарилиши кутилмоқда. «Бу ёз авжи учун меъёрий қийматлардан 4-6 даражага юқоридир», дейилади «Ўзгидромет» ахборотида.