Айни вақтда Халқаро пресс-клубда Ўзбекистон Республикаси Президентининг Олий Мажлисга йўллаган Мурожаатига бағишланган сессия бўлиб ўтмоқда.
Унда Қишлоқ хўжалиги, Сув хўжалиги вазирликлари ҳамда ЎзЛиДеП ва Эко партия вакиллари иштирок этмоқда.
Қишлоқ хўжалиги вазирининг ўринбосари Баҳодир Холиқов республикамиз бўйлаб 4 миллион 300 минг гектар суғориладиган ерлар борлигини, 2023 йил охирига келиб бу ерларнинг 3 миллион 200 минг гектари кластерлар томонидан эгалланишини маълум қилди.
“Республикамиз бўйлаб фақат мева-сабзавот етиштирадиган туман, ёки ҳудуд йўқ. Балки ғалла ва мева-сабзавот етиштирадиган, ёки фақат пахта ва мева-сабзавот етиштирадиган туманлар бор.
Мисол учун, Тошкент вилоятининг Зангиота тумани, Қашқадарё ва Андижонда ҳам шундай туманлар бор.
Қишлоқ хўжалиги вазирлиги кластер ва фермерлар учун фақат сервис ташкилот вазифасини бажариши керак,“ — деди Қишлоқ хўжалиги вазирининг ўринбосари.