Ўзбекистонда коронавирус беморлари сони 2-3 баравар кўп бўлиши мумкинлиги айтилди

Ўзбекистонда коронавирус беморлари сони 2-3 баравар кўп бўлиши мумкинлиги айтилди

Айни вақтда Ўзбекистонда коронавирусга қарши курашиш бўйича махсус комиссия қарори, карантин чораларини кучайтириш бўйича брифинг бўлиб ўтмоқда. 

Унда коронавирусга қарши кураш штаб аъзоси Ҳабибулла Оқилов қуйидагиларни маълум қилди:

"Бугунги кўрсаткич – бу биз билган статистика. Ҳали қанча таҳлилга етиб бормаган, симптомсиз юрган касаллар сони 2-3 баравар кўп бўлиши мумкин.

Аввалида ПЗР таҳлил ўтказишда муаммо йўқ эди. Ҳозир кунига 20-22 мингта таҳлил ўтказилганда ҳам талаб даражасига етказиб беролмаяпмиз.

Аввал 5-6 соатда жавоби чиққан бўлса, ҳозир йиғилиб қолган таҳлил намуналари натижасида жавобларни олишга 2-3 кун, 1 ҳафтагача вақт кетяпти. Бу вақт ичида бемор халқни ичида юриб, касалланиш кўпайишига сабаб бўляпти" - деди Ҳабибулла Оқилов.