Ўзбекистонда коронавирус инфекцияси аниқланган шахслар сони 5 нафарга ошди ва айни вақтда 172 кишини ташкил этмоқда.
Эслатиб ўтамиз, мамлакат соғлиқни сақлаш вазирлиги маълумотига кўра, бугун коронавирус инфекциясига чалинган беморлардан яна бири бутунлай соғайиб, реабилитацияга кузатилган. Ушбу фуқаро, аввал хабар қилганимиздек, жорий йил 14 март куни Лондон – Тошкент йўналишидаги рейс билан пойтахтга келган. 16 март куни унда коронавирус касаллиги аниқланган.
Ўтган вақт давомида у Вирусология илмий-текшириш институти клиникасида тўлиқ даволанган.
Айни пайтгача ушбу касалликдан соғайганлар сони Ўзбекистонда 8 нафарга етди.
31 март санасига қадар коронавирусни аниқлаш бўйича 22 мингдан ортиқ тест ўтказилган.