2017 йилдан бери илк бор нобанк эмитент томонидан корпоратив облигациялар чиқарилмоқда.
Капитал бозорини ривожлантириш Агентлигининг маълум қилишича, умумий қиймати 25 млрд сўмлик 3 та корпоратив облигациялар " Uzbek Leasing International А.О." АЖ қўшма корхонаси томонидан чиқарилмоқда.
3 хил муддатли облигациялар эмитация қилинади.
Умумий сони 800 дона, муомала муддати 1 йиллик облигациялар 10 миллион сўм номинал қиймат билан чиқарилади. Уларнинг йиллик даромадлилиги 18 %.
Шунингдек, умумий сони 800 дона, муомала муддати 2 йиллик облигациялар 10 миллион сўм номинал қиймат билан чиқарилади. Уларнинг йиллик даромадлилиги 19 %.
Учинчи турдаги облигациялар 3 йил муддатга, умумий сони 900 дона миқдорида чиқарилмоқда. Уларнинг номинал нархи 10 миллион сўм, йиллик даромадлилиги 20%.
Облигациялар "Тошкент" республика фонд биржасида жойлаштирилади ва муомалага чиқарилади.
Маълумот учун: " Uzbek Leasing International А.О." АЖ 1995 йилда ташкил этилган, лизинг бозорида энг катта иштирокчилардан биридир. Компания акциядорлари – Ўзбекистон Миллий банки, UzOmanCapital Ўзбек-Уммон инвестиция компанияси ва Maybank.