Бугун АОКА ҳузуридаги штабда Санитария-эпидемиологик осойишталик агентлиги директорининг биринчи ўринбосари Ботиржон Қурбонов иштирокида брифинг ўтказилди.
Брифингда қуйидаги муҳим маълумотлар берилди:
Эпидемик вазият нохуш бўлган ҳудудлардан келган ва беморлар билан мулоқотда бўлган 41 912 нафар фуқаро саломатлиги устидан тиббий назорат давом этмоқда. Улардан 28 928 нафар фуқаро — уй шароитида, 12 984 нафар фуқаро — стационар шароитда карантинга олинган.
Республикадаги мавжуд вирусологик лабораторияларда бир кунда — 12,5 мингта, эпид мавсум давомида — 372 мингга яқин тест синовлари ўтказилди.