Бугун АОКА штабида Вазирлар Маҳкамаси ҳузуридаги Санитария-эпидемиология назорати давлат инспекцияси бошлиғи Нурмат Атабеков иштирокида брифинг бўлиб ўтди.
Брифингда фуқаролар, ижтимоий тармоқ фойдаланувчилари томонидан кўтарилган муҳим савол ва мурожаатлар юзасидан жавоб қайтарилди.
Савол: Ҳозир Ўзбекистонда тарқалаётган коронавирус инфекцияси дастлаб Хитойда пайдо бўлган коронавирус инфекциясидан ФАРҚ ҚИЛАДИМИ? Ушбу инфекцияда ўзгариш, мутация ҳолати юз бердими?
Жавоб: Ўзбекистонда аниқланаётган вирусларнинг барчаси COVID-19 эканлиги аниқланмоқда. Коронавирус қўзғатувчисининг мутацияга учраган штаммлари республикамизда аниқланмаяпти.