Ўзбекистонга 4 ойда қарийб 40 млн долларлик буғдой уни импорт қилинган
28.05.2022 09:08,
1
Ўзбекистонга январь—апрель ойларида қиймати 38,5 миллион долларга тенг бўлган 124,8 минг тонна буғдой уни импорт қилинган. Бу ҳақда Давлат статистика қўмитаси хабар қилди.
Қайд этилишича, буғдой уни импорти ҳажми ўтган йилнинг мос даври билан солиштирилганда 22 минг тоннага ошган.
2022 йилнинг январь—апрель ойларида Ўзбекистон буғдой унини энг кўп импорт қилган давлат Қозоғистон — 122,8 минг тонна. Кейинги ўринлар қуйидагича:
- Россия – 1,9 минг тонна;
- АҚШ – 50 тонна;
- Италия – 27 тонна;
- Ҳиндистон – 2 тонна;
- Франция – 1,8 тонна.