Ўзбекистон Республикаси президенти Шавкат Мирзиёевнинг топшириғига кўра, бугун Душанбега Мудофаа вазирлиги самолётида навбатдаги гуманитар ёрдам етказилди. Бу ҳақда Asia-Plus нашри хабар бермоқда.
Тошкентдан Душанбега 10 та ИВЛ аппарати, дори-дармонлар, тиббий ҳимоя воситалари юборилди. Шунингдек, 8 нафар ўзбек врач-вирусологлари ҳам коронавирусга қарши курашишда Тожикистонга ёрдам беради.
"Врачлар Тожикистон Соғлиқни сақлаш вазирлиги тайинлаган шифохоналарда ишлашни бошлайди", дейди Душанбе ҳокимлиги вакили.
5 май куни икки давлат раҳбарлари эпидемиологик вазият ривожини назорат қилиш ва коронавирус инфекцияси тарқалишига қарши кураш бўйича самарали чора-тадбирларни амалга оширишга келишиб олган эдилар.
Ҳозирда Тожикистонда коронавирус инфекциясини юқтирганлар сони 461 кишига етди.