Қашқадарё ва Жиззах вилоятларининг тоғли ҳудудларида қор ёғди. Бу ҳақда Экология ва атроф-муҳитни муҳофаза қилиш давлат қўмитаси Матбуот хизмати хабар берди.
Қайд этилишича, Қашқадарё вилоятининг Деҳқонобод туманининг ҳамда Жиззах вилоятининг Зомин туманининг тоғли ҳудудларини қор қоплаган.
Шунингдек, ижтимоий тармоқларда Қашқадарёнинг Китоб туманининг тоғли Деновболо қишлоғида қор ёғгани акс этган суратлар тарқалди.