Валюта курси: Ўз.Р.Марказий банки
USD
АҚШ доллар
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар








Ўзбекистоннинг ЖСТга аъзо бўлиш учун аризаси Женевада муҳокама қилинди
22.06.2022 11:25,  
133

Швейцариянинг Женева шаҳрида Ўзбекистоннинг Жаҳон савдо ташкилотига аъзо бўлиши бўйича ишчи гуруҳининг бешинчи йиғилиши бўлиб ўтди. Бу ҳақда Инвестициялар ва ташқи савдо вазирлиги матбуот хизмати хабар берди.

Йиғилиш иштирокчилари ЖСТ билан ишлаш, кенгайтирилган ҳужжатлар тўпламини тайёрлаш ва мамлакат бозорига чиқиш бўйича икки томонлама музокаралар олиб бориш бўйича идоралараро комиссия фаолиятини ижобий баҳолади.

ЖСТ билан ишлаш бўйича идоралараро комиссия раиси, Бош вазир ўринбосари, МИФТ раҳбари Сардор Умурзоқов мамлакатимиз ташқи иқтисодий сиёсатида амалга оширилаётган кенг кўламли ислоҳотларнинг асосий йўналишларидан бири сифатида Ўзбекистоннинг ЖСТга аъзо бўлиши муҳимлиги ва устуворлигини таъкидлади.

Ишчи гуруҳ Ўзбекистоннинг ташқи савдо режими, иқтисодий сиёсати, давлат активларини хусусийлаштириш, божхона-тариф сиёсати, қишлоқ хўжалигини давлат томонидан қўллаб-қувватлаш, саноат субсидиялари бўйича тақдим этилган ҳужжатларни атрофлича муҳокама қилишни бошлади.

Ўзбекистон делегацияси Женевада, шунингдек, ЖСТга аъзо асосий давлатлар билан товар ва хизматлар бозорига чиқиш бўйича қатор икки томонлама музокаралар ўтказади.

Тадбирда жами 60 дан ортиқ ЖСТга аъзо давлатларнинг делегациялари, шунингдек, халқаро ташкилотлар вакиллари ва хорижий экспертлар иштирок этди.

Тавсия Этамиз








Тавсия Этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан