Молия вазирлиги Ўзбекистоннинг ташқи қарзи ва унинг шаҳрига доир ҳисоботини эълон қилди.
Ҳисоботга кўра, Ўзбекистон ҳукумати номидан ва унинг кафолати остида жалб қилинган қарз қолдиғи 17,6 млрд. АҚШ доллари эквивалентини ёки ялпи ички маҳсулотга (ЯИМ) нисбатан 30,5 фоизни ташкил этди.
Ўтган йил давомида давлат ташқи қарзи 5,7 млрд долларга ёки ЯИМга нисбатан 27 фоизни ташкил этмоқда.
Шундан:
- Ҳукумат номидан жалб қилинган ташқи қарз - $ 10,7 млрд;
- Ҳукумат кафолатлаган ташқи қарз - $ 4,9 млрд.
Давлат ички қарзи эса 19 триллион сўмни ёки ЯИМга нисбатан 3,5 %ни ташкил этди.
Давлат ташқи қарзи қуйидаги ижтимоий ва стратегик лойиҳаларни молиялаштиришга йўналтирилди:
- Қашқадарёда синтетик суюқ ёқилғи ишлаб чиқариш (GTL) - $ 1,1 млрд;
- Углеводород хом ашёси қазиб олиш ҳажмини ошириш - $ 0,6 млрд;
- Тахиатош, Навоий ва Тўрақўрғон ИЕСларини қуриш ва модернизация қилиш - $0,4 млрд;
- Ахборот узатувчи магистрал тармоқларни ривожлантириш ва инфратузилмани яхшилаш - $ 0,1 млрд.
Ташқи қарзнинг катта қисми 28,8 %и ($4,5 млрлд) энергетика тармоғи учун сарфланган. Кейинги ўринларда транспорт ва транспорт инфратузилмаси ( 13,5%) ҳамда уй-жой коммунал хизмат кўрсатиш (11,5 %) тармоқлари турибди.