Жорий йилнинг январь-август ойларида Ўзбекистон ташқи савдо айланмаси 32,1 миллиард долларга етди. Бу ҳақда Давлат статистика қўмитаси хабар бермоқда.
Бу кўрсатгич 2021 йилнинг шу даврига нисбатан 27,7 фоизга (+6,9 миллиард доллар) кўпдир. Шу вақт ичида экспорт 12,6 миллиард долларни (+36,5%), импорт эса 19,4 миллиард долларни (+22,6%) ташкил этди.
Экспортнинг катта қисми саноат маҳсулотларига тўғри келади — 24,4%, озиқ-овқат ва тирик ҳайвонлар — 7,3%, кимёвий моддалар-6,7%.
Импорт таркибидаги асосий улушни машиналар ва транспорт ускуналари — 32,5 %, саноат маҳсулотлари — 19,1% ва кимёвий маҳсулотлар — 13,7% ташкил этди.