“Ўзбекнефтгаз” АЖ Бошқарув раиси Меҳриддин Абдуллаевнинг топшириғи билан мамлакатнинг миллий бойлиги ҳисобланган нефть ва конденсат маҳсулотларини талон-торожлик йўли билан қўлга киритиш ҳаракатида бўлган шахсларга қарши курашишда, уларнинг ноқонуний қилмишларини олдини олишда тизимли ишлар олиб борилмоқда.
“Ўзбекнефтгаз” АЖ алоқа каналлари орқали келиб тушаётган хабарлар таҳлили натижасида жорий йилнинг июль ойида Молиявий ва комплаенс назорати департаменти томонидан “Гиссарнефтгаз” ҚК МЧЖ тасарруфидаги конларда жойлашган нефть ва газконденсати қувурларига бегона шахслар томонидан талон-торожлик мақсадида ноқонуний уланишга ҳаракат қилиш ҳолатлари аниқланди.
Ҳолат юзасидан ўрнатилган тартибда ҳужжатлар расмийлаштирилиб, ҳуқуқий баҳо бериш ва қонуний чоралар кўриш мақсадида ҳуқуқни муҳофаза қилувчи идораларга тақдим этилди.
“Ўзбекнефтгаз” АЖнинг олис ҳудудларда жойлашган нефть ва газ конларида жазирама иссиқ ва қаҳратон совуқларда тинмай меҳнат қилаётган соҳа ишчи-ходимлари меҳнати самараси ўлароқ, қийинчиликлар билан қазиб олинаётган маҳсулотларни ғаразли ниятларда ўз манфаатлари йўлида ўзлаштиришга қаратилган қўш тирноқ ичидаги “уддаброн шахслар”нинг ҳаракатлари соҳанинг ривожланишига салбий таъсир қилмоқда.
Шу муносабат билан, “Ўзбекнефтгаз” АЖ раҳбарияти юртдошларимиздан юқорида келтирилган каби салбий ҳолатлар билан боғлиқ маълумотлар бўлган тақдирда Жамиятнинг алоқа каналлари орқали хабар беришларини сўрайди:
Ишонч телефони: +(99871) 233-28-88
Бизнинг почта манзилимиз: [email protected]
Молиявий ва комплаенс назорат департаменти почта манзили: [email protected]
Telegram бот: @ung_anticorBot
“Ўзбекнефтгаз” АЖ Матбуот хизмати