Валюта курси: Ўз.Р.Марказий банки
USD
АҚШ доллар
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар








“Ўзбекнефтгаз”: Ўзбекистон тарихида илк бор синтетик GTL дизель маҳсулоти ишлаб чиқарилиши йўлга қўйилди
29.06.2022 19:28,  
52

Аввал ҳабар берганимиздек, жорий йилнинг 15 июнь куни “Uzbekistan GTL” заводида Ўзбекистон тарихида биринчи синтетик нефти ишлаб чиқарилиши бошланган эди.

Ўзбекистон Республикаси Президенти Шавкат Мирзиёевнинг ғояси ва ташаббуси билан бунёд этилган, Янги Ўзбекистоннинг учинчи ренессанси пойдевори ҳисобланган “Uzbekistan GTL” заводида Ўзбекистон нефт ва газ-кимёси саноатининг тарихида илк бор синтетик ёқилғи маҳсулотлари ишлаб чиқариши бошланди.

Мазкур воқеа республиканинг замонавий нефт-кимё ва нефт-газни қайта ишлаш саноатини ривожида янги технологик босқичи ҳисобланади ҳамда ушбу кун Ўзбекистонда илк бор синтетик суюқ ёқилғи ишлаб чиқариши йўлга қўйилганлигига рамзий манода тарихий куни ҳисобланади.

Таъкидлаш керакки, бу қувончли воқеа 2022 йилнинг 29 июнь куни билан тарихга муҳрланди. “Ўзбекнефтгаз” АЖ Бошқарув раиси Меҳриддин Абдуллаев бугун, соат 7.30 да “Uzbekistan GTL” заводида Ўзбекистон нефт ва газ-кимёси саноатининг тарихда биринчи синтетик GTL дизель маҳсулоти ишлаб чиқарилгани ва илк маҳсулот олинганлигинини расман эълон қилди.

“Ўзбекнефтгаз” АЖ Бошқаруви раиси “Юртимизда ва умуман минтақамизда нефть-газ саноати соҳасидаги энг йирик корхонаси ҳисобланган, “Uzbekistan GTL” заводида Ўзбекистон нефт ва газ-кимёси саноатининг тарихида илк бор синтетик ёқилғи маҳсулотлари ишлаб чиқариши бошланганлиги ва биринчи маҳсулот олинганлигини” таъкидлаган ҳолда барча ишчи-ходимларни, “Ўзбекнефтгаз” АЖ жамоасини мазкур ютуқ билан самимий табриклади.

Заводнинг асосий ишга тушириш ишлари, шу жумладан 11 мингга яқин ускуна ва асосий ишлаб чиқариш қурилмаларини синхрон ишлашини таъминлаш, шунингдек, уларни тўлиқ назорат қилиш ва бошқариш Ўзбекистон Республикаси фуқаролари – “Uzbekistan GTL” заводининг маҳаллий муҳандислари ва ёш мутахассислари томонидан мустақил равишда, хорижий мутахассисларнинг тўғридан-тўғри иштирокисиз амалга оширилаётгани таъкидланди.

Эришилган келишувларга кўра 5 минг тонна миқдорида ишлаб чиқарилган синтетик дизелнинг биринчи партиясини Навоий кон-металлургия комбинатига юборилиши маълум қилинди.

Эслатиб ўтамиз, заводида йилига 3,6 млрд. метр куб табиий газ қайта ишланиб, 1,5 млн тонна тайёр суюқ маҳсулотлар ишлаб чиқарилади. Жумладан, 307 минг тн авиакеросин, 724 минг тн дизель ёқилғиси, 437 минг тонна нафта, 53 минг тонна суюлтирилган газ тайёрланади.

“Ўзбекнефтгаз” АЖ Матбуот хизмати

Тавсия Этамиз








Тавсия Этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан