Ўзбекиcтонда зиёратчилар учун Hidaya Airlines номли янги авиакомпания очилади

Ўзбекиcтонда зиёратчилар учун Hidaya Airlines номли янги авиакомпания очилади

Бугун Тошкент шаҳрида Uzbekistan Airports, Aviation&Logistics Forum (UAALF-2020) халқаро авиация форуми иш бошлади.

Унда қатнашаётган Бош вазир ўринбосари, Туризмни ривожлантириш давлат қўмитаси раиси Азиз Абдуҳакимовнинг Sof.Uz нашри мухбирига маълум қилишича, тез орада Ўзбекистонда Вазирлар Маҳкамаси ҳузуридаги Дин ишлари бўйича қўмита, Ўзбекистон Мусулмонлари Идораси ва Саудия Арабистони Подшоҳлигининг “Hidaya Global Groups” компанияси ҳамкорлигида Hidaya Airlines номли янги авиакомпания очилади.

МАВЗУГА ДОИР: Янги авиакомпанияни ташкил этиш тўғрисида ВМ қарор қабул қилди

Бу авиакомпания Ўзбекистон ва Саудия Арабистони ўртасида умра сафари учун бевосита парвозларни ҳамда “Umrah+“ дастури бўйича Индонезия, Малайзия каби давлатлардан умра сафарига борувчиларнинг Ўзбекистон орқали парвоз қилишларини ташкиллаштиради.