Париж аҳолиси электр скутерларни ижарага олишни тақиқлашни ёқлаб овоз берди, дея хабар беради BBC News.

Расмий овоз бериш шуни кўрсатдики, парижликларнинг 90 фоизи шаҳарда скутерларни тақиқлашни қўллаб-қувватлаган. Эслатиб ўтамиз, овоз беришда шу ҳуқуқига эга бўлган Париж аҳолисининг қарийб 8 фоизи иштирок этган.

Референдум Франция пойтахтида электр скутерлардан яраланган ёки ҳалок бўлганлар сони ортиб бораётганига боғлиқ ўтказилди.

Расмий маълумотларга кўра, сайловда шаҳардаги овоз бериш ҳуқуқига эга 1 миллион 380 минг кишидан 103 мингдан сал кўпроғи иштирок этган. Уларнинг 91 300 дан ортиғи скутерларга қарши овоз берган.

Париж электр скутерларни ишлатган биринчи шаҳарлардан бири эди, аммо бу фойдадан кўра кўпроқ зарар келтирди. Фойдаланувчилар бошларига шлем киймайдилар ва 12 ёшгача бўлган болалар ҳам қонуний равишда электрон скутерларни ижарага олишлари мумкин.

2021 йилда Парижда 31 ёшли италияликни электрон скутер минган икки киши уриб юборган. У боши билан асфалтга йиқилган ва юраги тўхтаб қолган.

Электр скутерларининг учта асосий оператори Lime, Dott ва Tier ўзларининг ёш мижозларини овоз беришга ундаш учун ижтимоий тармоқлардан фойдаланишга уринди. Якшанба куни улар кун бўйи скутерда бепул саёҳат қилишни таклиф қилишди.