Париждаги шифокорлар намойишида 18 минг киши қатнашди

Париждаги шифокорлар намойишида 18 минг киши қатнашди

Фото: France Info

Франция пойтахти Париждаги тиббиёт ходимларининг митинглари 18 мингдан ортиқ намойишчиларни тўплади, дея хабар беради France Info радиоси полиция маълумотларига таяниб.

Нашр хабарига кўра, намойишда исён кўтаришга уринган 32 киши ҳибсга олинган.

Шифокорлар мамлакатда соғлиқни сақлаш учун бюджетнинг қисқартирилишига ҳамда француз касалхоналарида ётиш жойларнинг камайтирилишига қарши бўлиб, ўз навбатида иш ҳақини ошириш ва ходимларни ёллашни кўпайтиришни талаб қилмоқда.

Шифокорларнинг норозилик намойишлари бошқа шаҳарларга тарқалган. Тулузада 7,5 минг киши, Лионда 6 минг киши, Нантеда 5,5 минг киши, Греноблда 3,8 минг киши, Марселда 3,5 минг киши намойишга чиқди.

Аввалроқ мамлакат президенти Эмануел Макрон Франция коронавирус эпидемияси устидан ғалаба қозонгани тўғрисида баёнот берган эди.