Пахтага мажбуран олиб чиққан 18 нафар мансабдор шахсга маъмурий жазо қўлланилди

Пахтага мажбуран олиб чиққан 18 нафар мансабдор шахсга маъмурий жазо қўлланилди

2020 йилги пахта йиғим-теримида мажбурий меҳнатга йўл қўймаслик ҳамда теримчилар учун муносиб меҳнат ва дам олиш шароитларини яратиш мақсадида Бандлик ва меҳнат муносабатларининг Давлат меҳнат инспекцияси тажрибали ходимларидан ташкил топган ишчи гуруҳлар томонидан мониторинг ва ўрганишлар давом этмоқда.

2020 йилнинг 10 октябрь ҳолатига республиканинг 138 дан ортиқ ҳудудларида 726 дан зиёд мониторинглар ҳамда ижтимоий тармоқда тарқалган 60 дан ортиқ ҳабарлар юзасидан ўрганишлар ўтказилди.

Мониторинг жараёнида мажбурий меҳнатдан азият чеккан 652 дан ортиқ фуқаролар аниқланиб, 18 та мансабдор шахсга нисбатан мажбурий меҳнатга жалб қилганлиги учун 205 млн 160 минг сўм миқдорида маъмурий жарималар қўлланилди.