Кейинги кунларда республика бўйлаб 50 мингдан ортиқ янги инфекция ҳолатлари қайд этилган. Шу боис Пекиндаги махсус касалхонани яна қайта очишга қарор қилинган.
«Касалликни симптомпсиз ҳамда енгил ҳолатларини даволаш учун «COVID-19» эпидемиясининг олдини олиш ва назорат қилиш комиссияси 2022 йилнинг 1 майидан бошлаб Сяотангшан касалхонасини расман очишга қарор қилди», дейди Пекин шаҳар соғлиқни сақлаш комиссияси директори ўринбосари Ли Ан.
Шунингдек, иқтисодий харажатлар ортиб бораётганига ва аҳолининг норозилигига қарамай, Пекинда жамоат жойларига бориш янада чекланмоқда. Унга кўра, пойтахтдаги ресторанлар вақтинча ёпилади ва аҳоли жамоат жойларига ташриф буюриш учун «COVID-19» тестини топшириши керак.
Манбада қайд этилишича, Хитой ҳукумати «Омикрон» штаммига қарши оммавий тест синовлари ва жамоат жойларини ёпиб вирус тарқалишини бостиришга ҳаракат қилмоқда.