Покистонда ижтимоий тармоқ орқали шаккоклик қилган одам ўлим жазосига тортилди
11.06.2017 09:05,
10
Покистон суди Facebook орқали куфр келтирган одамни ўлим жазосига ҳукм қилди, деб хабар бермоқда Рейтер агентлиги.
Панжоб штатидаги Бахавалпур шаҳри суди Таймур Разо исмли кишини Муҳаммад алайҳиссаломни ҳақоратлашда айбдор деб топди. Адвокатнинг билдиришича, Разо Facebookда террорчилик билан курашиш бўйича департамент ходими билан баҳслашиб қолган.
Покистонда Худога шак келтирганлик учун олий жазога тортилиш мумкин. Ҳуқуқни ҳимоя қилиш ташкилотлари бу масалада Покистонни мунтазам танқид қилиб келишади.