Президент фармони билан Шуҳрат Ғаниев бош вазир ўринбосари лавозимига тасдиқланди

Президент фармони билан Шуҳрат Ғаниев бош вазир ўринбосари лавозимига тасдиқланди

Ўзбекистон президентининг фармони билан (ПФ–6069-сон, 24.09.2020 й.) Шуҳрат Мадаминович Ғаниев Бош вазирнинг аграр ва озиқ-овқат соҳаларини ривожлантириш масалалари бўйича ўринбосари лавозимига тасдиқланди. Бу ҳақда Адлия вазирлиги хабар берди.

Эслатиб ўтамиз, Шуҳрат Ғаниев бунга қадар Фарғона вилояти ҳокими лавозимида фаолият юритган.

Шунингдек, президент фармонлари билан:

Хайрулло Хайитбаевич Бозаров Фарғона вилояти ҳокими вазифасини бажарувчи этиб (бунга қадар Наманган вилояти ҳокими лавозимида фаолият юритган); 

Шавкат Шокирджанович Абдуразаков Наманган вилояти ҳокими вазифасини бажарувчи (бунга қадар Экология ва атроф-муҳитни муҳофаза қилиш давлат қўмитаси раиси лавозимида фаолият юритган) этиб тайинланди.