«Тажрибасизлик ҳақидаги фикрга қўшиламан. Биз сиёсий эркинликни ҳис қила бошлаганимизга энди 5 йил бўлди. Яна муҳим жиҳати, тажриба хатолар билан олинади. Хатолар учун бошлар олинмайдиган даврда тажриба олаётганимиз ҳам катта ютуғимиз. Буни эътироф этмаслик ноинсофлик деб ҳисоблайман» – деди Президентликка номзод Алишер Қодиров ўз электорати билан учрашувда.
Ўйлайманки, Ўзбекистончалик аёлларини қадрлайдиган мамлакатлар жуда кам. Ўзбекистон ўз халқини молиявий қўллаб-қувватлаш борасида дунёга намуна бўла олди. «Аёллар дафтари», «Ёшлар дафтари» , «Темир дафтар»ларнинг юритилиши бунга яққол мисолдир. Биз айнан ушбу тизимни янада такомиллаштириш тарафдоримиз, дея қўшимча қилди Қодиров.