2022 йил 25 майда "Банклар ва ритейл. Рақамли трансформация ва ўзаро ҳамкорлик" халқаро ПЛАС-форум доирасида Миллий банклараро процессинг маркази ва "TBC Bank" АТБ ўртасида Ўзбекистон банкларида очилган HUMO карталарига Грузия ҳудудида хизмат кўрсатиш лойиҳасини жорий этиш тўғрисида келишув имзоланди.

Натижада, июль ойидан бошлаб, ўзбекистонлик HUMO картаси соҳиблари Грузияда ҳам товар ва хизматлар учун ўз карталаридан тўлов қила оладилар.