Путин: Қорабоғ ҳудудларининг бир қисми Озарбайжонга берилиши керак

Путин: Қорабоғ ҳудудларининг бир қисми Озарбайжонга берилиши керак

Фото: РИА Новости

Тоғли Қорабоғ масаласида Россия томони дастлаб Арманистон босиб олган етти туман Озарбайжонга ўтиши мумкин деган фикрда эди. Бундай баёнотни Россия президенти Владимир Путин “ВТБ Капитал” инвестиция форумининг “Россия чорламоқда!” Ялпи мажлисида айтди, деб ёзади Известия газетаси.

"Дастлаб биз билдиришимиз керак бўлган нарсадан келиб чиқдик – позициямиз мутлақо очиқ – Қорабоғ зонасининг маълум бир режимини таъминлаш, Арманистон билан ўзаро алоқада бўлиш шарти билан Озарбайжонга 5+2 та ҳудудни бериш”, - деди Путин.

Россия Президенти Тоғли Қорабоғ бўйича оддий қарорлар йўқлигини таъкидлади, чунки ҳар бир томон ўз ҳақиқатига эга. Можаро Совет раҳбарияти тўхтата олмаган этник тўқнашувларга асосланади. Путинга кўра, бу арманларни қурол олишга мажбур қилган. Натижада, Тоғли Қорабоғ ва Озарбайжоннинг яна етти тумани Арманистон тасарруфига ўтган.

Ҳозирда Боку камида мазкур етти минтақанинг на Арманистонга, на дастлабки можарога алоқаси йўқлигини билдирмоқда.

"Боку нима дейди? Булар тарихий Озарбайжон ҳудудлари. Озарбайжон айтади: биз бу ҳудудларни қайтаришга ҳақлимиз. Тушунасиз, ҳар кимнинг ўз ҳақиқати бор. Оддий ечимлар йўқ, чунки тугунни боғлаш жуда қийин", - деб таъкидлади Россия президенти.

Путинга кўра, можарони ҳал қилиш манфаатларнинг мувозанати бўлади - ҳар икки томонга ҳам мос келадиган муроса.