Кутилганидек, Путин Россиясининг Украинага дағдағалардан кўзланган программа минимум бажарилди. Россия давлат думаси ДНР ва ЛНР мустақиллигини тан олиш масаласини маъқуллади ва тасдиқлаш учун Президентга юборди.
Украина чегараларига жойлаштирилган ҳарбийлар ва техникалар ўзларининг аввалги локацияларига - Ғарбий ва Жанубий ҳарбий округларга қайтарилмоқда.
Ғарб Россиянинг тутуруқсиз таҳдидларига унчалар ишонмади, лекин Путиннинг уруш ва ультиматум сиёсатига қарши лозим даражада ва баъзи кунларда юқори профессионаллик билан ўтказилган ахборот уруши орқали жавоб берди.
Фонд ва валюта бозорлари энди сал тин олса бўлади. Бугун рубль яна ўзининг узоқ муддатли коридорига қайтди. Тушдан кейин доллар/рубль яна 75дан пастроққа сотилаяпти. Россия қоғозлари яна юқорилашни бошлади.